२७. ऐसी हे गर्जवूं वैखरी । केशव मुकुंद मुरारी ॥ राम कृष्ण नामें वरी । हरी हरी दोष सकळ ॥१॥
जनार्दना जगजीवना । विराटस्वरुपा वामना ॥ महदादि मधुसूदना ॥ सकळमुगुटमणि शूरा । अहो दातारा जगदानिया ॥३॥
मदनमूर्ती मनमोहना । गोपाळगोपिकारमणा ॥ नटनाटयकौशल्य कान्हा । अहो संपन्ना सर्वगुणें ॥४॥
गुणवंता आणि निर्गुणा । सर्वसाक्षी आणि सर्व जाणा ॥ करोनि अकर्ता आपणा । नेदी अभिमाना आतळों ॥५॥
कासयानें घडे याची सेवा । काय एक समर्पावें या देवा । वश्य तो नव्हे वांचुनि भावा । पाय जीवावेगळे न करी तुका ॥६॥