वेदामाजीं ओंकार सार । शास्त्रासार वेदान्त ॥१॥
मंत्रामाजीं गायत्री सार । तीर्थ सार गुरुचरणीं ॥२॥
ज्ञान सार ध्यान सार । नाम सार सर्वांमाजीं ॥३॥
व्रतामाजी एकादशीं सार । द्वादशी सार साधनीं ॥४॥
पूजेमाजीं ब्रह्माण सार । सत्य सार तपामाजीं ॥५॥
दानामाजीं अन्नदान सार । कीर्तन सार कलियुगी ॥६॥
जनामाजीं संत भजन सार । विद्या सार विनीतता ॥७॥
जिव्हा उपस्थ जय सार । भोग सार शांतिसुख ॥८॥
सुखामाजीं ब्रह्मासुखसार । दुःख सार देहबुद्धी ॥९॥
एका जनार्दनीं एका सार । सर्व सार आत्मज्ञान ॥१०॥
वाकीभ
संत साहित्य, अभंग, ओव्या आणि ग्रंथांचा समृद्ध मराठी संग्रह. वारकरी परंपरेचे जतन, संवर्धन आणि प्रसार हा आमचा प्रयत्न.
मेन्यू मुखपृष्ठ ग्रंथ अभंग/भजन संत विभाग संपर्क vakibhmedia@gmail.com +91 99239 16476 पुणे, महाराष्ट्र© २०२६ वाकीभ. सर्व हक्क सुरक्षित.