भक्तचरणींचे रजः कण । हृदयीं वाहे नारायण ॥१॥
भक्ता पडतां संकट । देव अंगें सोशी कष्ट ॥२॥
गांजितां प्रल्हादा नेहटीं । स्वयें प्रगटला कोरडें काष्ठीं ॥३॥
द्रौपदी गांजितां तात्काळीं । कौरवांचीं तोंडें केलीं काळीं ॥४॥
गोकुळीं गांजितां सुरपती । गोवर्धन धरिला हातीं ॥५॥
अर्जुनांतें संकटप्राप्ती । दिवसां लपवी गभस्ती ॥६॥
अंबऋषीचें गर्भवास । स्वयें सोशी हृषीकेश ॥७॥
एका जनार्दनीं दास । होय भक्तांचा सावकाश ॥८॥
